२ . पूरादित्यी अवस्थान

उत्तरार्ध काळात सर्वज्ञ श्रीचक्रधरप्रभू डोंबेग्रामाहून नेवाशाला दोन वेळा आले. पहिल्या वेळेस आले तेव्हा पाच दिवस अवस्थान झाले. आणि दुसऱ्या वेळेस आले तेव्हा पाच महिन्यांच्या वर अवस्थान झाले. दुसऱ्यांदा झालेल्या अवस्थानात निरनिराळे पाठभेद आढळतात. परंतु श्रीनागराजांचे उपशिष्य देवमुनीकृत स्थानपोथीत मात्र पाच महिन्यांच्या वर अवस्थान झाले असे उदाहरणासह दिले आहे.

‘‘निवासां पूरादित्यीं अवस्थान मास पाच : दिवाळिये पासौनि सिमूगा आंतु यातव :’’

अर्थात दिवाळी ते शिमगा या दोन्ही पर्वासंबंधित लीळा या नेवाशात झाल्या असल्यामुळे पाच महिन्यांच्या वर सर्वज्ञांनी या ठिकाणी वास्तव्य केले असा निष्कर्ष निघतो.